Friday, December 20, 2013

Carla Humphries, happily in love sa French-Italian boyfriend

Link to original article

Ni Nora V. Calderon

FEELING napakasuwerte ni Carla Humphries na kinuha siya to play the role of Isabelle Manahan sa 10,000 Hours, ang entry ng N2 Productions, Philippine Film Studio, Inc. at Viva Films sa 39th Metro Manila Film Festival na magsisimula sa December 25.

“Robin Padilla po kasi ‘yon, first time ko siyang makatrabaho kaya na-starstruck ako talaga sa kanya,” kuwento ni Carla. “’Tapos sa abroad pa ang shooting at si Bb. Joyce Bernal pa ang director, wala na po akong mahihiling pa. Ten days din po kami nag-stay sa Amsterdam dahil 80% ng movie ay doon kinunan.”

May Dutch dialogue daw siya sa movie, nag-aral ba siya how to speak Dutch? “My dad is French-American, medyo may alam po ako ng language, pero ang mga kababayan nating mga Pinoy na nandoon na marunong nang magsalita ng Dutch ang nagturo at umalalay sa akin. Konti lang namang Dutch ang dialogue ko, more on English.

Thankful nga ako sa producer namin, si Neil Arce, who is a friend, nang naghahanap sila ng gaganap sa role ni Isabelle, biro ko sa kanya na kapag he needs na foreigner ang peg, willing akong gampanan ang role. Payag daw ba ako na may kissing scene, okey sa akin. Nagpa-blonde pa ako ng hair para sa role.

Nai-shoot namin ni Robin ang kissing scene, pero hindi mapapanood sa movie. Nang mapanood kasi nila, parang hindi bagay ang eksena sa story na fast-paced, kaya tinanggal na lang ni Direk Joyce.”

Napanood na namin ang movie sa premiere night at after the screening, binati namin si Carla sa kanyang mahusay na pagganap bilang si Isabelle na malaki ang naitulong sa pagtatago ni Sen. Gabriel Molina Alcaraz (Robin) hanggang makabalik ng Pilipinas. Maganda ang role niya, pero ipinakiusap na huwag sabihin kung sino siya dahil isa ito sa twists ng story.

Masaya rin si Carla dahil pumunta ng Pilipinas ang French-Italian boyfriend niya na si Medi Parisot. Singer-record producer sa Nice, Italy si Medi na na-meet niya last year nang dumalaw siya sa lola niya sa Nice. Five years na single si Carla at ngayon lang uli nagka-boyfriend. Pero hindi raw sila masyadong nagkakikila until pumunta sila ng Amsterdam to shoot 10,000 Hours. Doon na lang nalaman ni Medi na artista siya. Wala silang language barrier dahil marunong mag-English ang boyfriend.

Nakabalik na sila ng Pilipinas nang tawagan siya ni Medi kung may ginagawa raw siya, nang sabihin niyang wala, in two days, pinapunta siya nito sa Brussels at doon sila nag-shoot ng music video ng single ng album nito of the same title, ang Once Is Not Enough. 

“Tuwang-tuwa po ako kasi ni-request niya na isu-shoot daw lamang niya ang music video kung ako ang katambal niya. Masaya dahil mapapanood po ako sa Europe. Five days din kaming nag-shoot doon at ipinakilala rin niya ako sa lola niya. Nag-promise siyang a-attend ng premiere night at he will stay here for Christmas and New Year at makikilala na rin niya ang parents ko.”

Congratulations sa buong cast ng 10,000 Hours na pawang mahuhusay ang acting, kay Direk Joyce, sa producers, dahil nabigyan sila ng Grade A ng Cinema Evaluation Board (CEB). Mahusay naman kasi talaga ang direction at maganda ang flow ng story na sinulat nina Keiko Aquino at Kyla Berico. Kasama rin sa cast sina Mylene Dizon, Michael de Mesa, Bela Padilla, Pen Medina, Alden Richards, Cholo Barretto, Markki Stroemm, Winwyn Marquez, Joem Bascon, Antonio Aquitania, Ping Medina at Bibeth Orteza.

Friday, April 05, 2013

Carla Humphries keeps options open after expiration of TV5 contract; excited about movie role

Link to original article

Carla Humphries keeps options open after expiration of TV5 contract; excited about movie role  

Kakatapos pa lang ng kontrata ni Carla Humphries sa TV5. Pero sa ngayon, wala pa raw siyang plano dahil hindi pa sila nakakapag-usap ng kanyang manager na si Annabelle Rama, na kasalukuyang abala sa pangangampanya bilang kongresista ng Cebu City North District.

“Sa ngayon hindi ko pa alam kung ano ang tadhana ko dito sa show business,” nangingiting sinabi ni Carla sa PEP.ph (Philippine Entertainment Portal) kahapon, Abril 5, sa presscon ng kanyang kinabibilangang pelikulang Coming Soon.

“Uhm, pero I just want to be positive.

“Masaya ako na kahit may kontrata na natapos mayro’n akong movie na parating. So, sana suportahan ng mga tao.”

FREELANCE ARTIST. Ngayong tapos na ang kontrata niya sa Kapatid network, bukas naman daw si Carla sa offers na maaaring magmula sa iba’t ibang networks.

Bukod sa “hungry” siya sa magagandang roles, sinabi rin ng aktres na maganda naman ang naging relasyon niya sa TV5 at maging sa pinaggalingan niyang network na ABS-CBN.

Aniya, “Nakatrabaho ko naman na ang Dos and I have a very good relationship with them, wala naman akong bridges na binurn [burn]. “And happy naman ako sa trabaho na ginawa ko sa Five [TV5], uhm, at marami akong bagong kaibigan sa Five.

“Hindi pa ako nakakatuntong ng GMA, pero sa ngayon, gusto ko maging open kung anong puwedeng mangyari. “So, depende sa offer at kung anong plano.” Inamin din ng aktres na bukas siya sa pagiging freelance artist, o iyong mga artista na walang exclusive contract sa iisang network.

Pero para kay Carla, mas maganda pa rin kung “ipakita mo ‘yong loyalty mo sa isang istasyon, at iba rin ang tiwalang ibibigay nila sa ‘yo.”

THE BIG BREAK. Samantala, noong question and answer part ng presscon, nasabi ni Carla na ang pelikulang Coming Soon ang masasabi niyang “big break” niya sa kanyang career. Kasama niya sa pelikulang ito sina Andi Eigenmann, Glaiza de Castro, Boy 2 Quizon, Dominic Roco, at Cholo Barretto. 

Kaya naman sa one-on-one interview, nilinaw ng PEP ang sinabing ito ng aktres. “Well, actually marami naman akong nagawa na big project,” paglilinaw ni Carla. “Pero ngayon kasi siyempre iba yung freedom ng isang artista na makasama sa isang pelikula na may creative input din kami.

“At saka yung feeling… siyempre it’s different sa mga nagawa ko dati. 

“Siyempre bilang artista, gusto ko isipin na bawat project na gawin ko, unang project ko. Kasi para mabigay ko yuong best ko 'tsaka para makita naman ako ng tao in a different light.”

Bagamat labingtatlong taon na siya sa industriya, hinahanap pa rin daw ni Carla ang kanyang “big break.” Hindi naman daw kailangan ng lead role para makuha niya ang acting break na iyon. Ang gusto lamang daw niya ay “... yung role na tatatak sa tao, mamahalin ng tao.

“At siyempre I consider myself as a… hindi lang ako Maria Clara, I have a strong personality.

“So if ever, gusto ko na strong din yung ipo-portray ko, at hindi necessarily na kapag strong, kontrabida. Gusto ko yung strong na mabuting tao.”

Hindi pa man nakukuha ang big break na gusto niya, “very content and happy” naman daw si Carla sa kanyang career. Rason niya, “Siyempre ang daming mga artista na pasulput-sulpot or uhm,,, dumating, naging malaking part at biglang nawala.

“Uhm, malaking pasasalamat ko na hanggang ngayon nandito pa rin ako, na after being discovered by Johnny Manahan at the age of 12 I’m now almost 25, pero hinahanap ko pa rin, at hinahanap pa rin ako ng tao.

“So, nagpapasalamat talaga ako,” pagtatapos niyang saad.


Wednesday, June 15, 2011

Carla not proud during her stay in ABS-CBN?

Link to original article

Carla Humphries is not proud during her stay in ABS-CBN?
Wednesday, June 15, 2011, 1:14

LAGI PALANG NAGDADA-LAWANG-ISIP noon si Carla Humphries kung ano ang isasagot kapag tinatanong ng mga kaibigan niya kung ano ang kanyang trabaho. Aminado ang aktres na hindi siya ‘proud’ noon na nasa showbiz siya. Ito raw ‘yung mga panahong ‘one-of-those’ lang siya sa talents ng Star Magic ng ABS-CBN.

“Kasi, ‘di ba, ‘pag nasa showbiz ka parang ang baduy? Some of my friends kasi sa abroad, hindi alam na artista ako rito. Kaya parang medyo hindi talaga ako proud na sabihing artista ako,” pahayag ni Carla.

Pero nagbago ang pananaw ni Carla nang mapasama siya sa Mga Nagbabagang Bulaklak ng TV5, na magtatapos na this week. “Dito kasi parang nagawa ko na ang lahat. Nagpaka-aksyon kami, nag-drama, nagpaseksi, as in, talagang na-test dito nang husto ‘yung pagiging artista namin. Everybody’s happy naman sa naging resulta.

Medyo nakakalungkot lang, kasi, magtatapos na nga siya,” sey pa ng seksing aktres.

Marami ba siyang mami-miss sa kanilang teleserye?

“Marami talaga. Pero ang talagang mami-miss ko ‘yung bonding namin dito. Iba kasi ang naging samahan namin dito,” aniya.

Bumilang din ng ilang taon bago nagpasyang iwan ni Carla ang Star Magic. She is now under Annabelle Rama’s management.

“Si Tita Annabelle, parang anak ang turing niya sa amin. Biglang tatawag na lang ‘yan, ‘Anak, anong ginagawa mo? Sama ka sa akin, magsimba tayo sa Cebu!’ Gano’n. Saka napakamaasikaso niya, lagi ka niyang pakakainin. Kahit anong gusto mo, bibilhin niya sa ‘yo. I am thankful na siya ang manager ko, and it was really a wise decision,” sabi pa ni Carla.

Hindi ba siya naasikaso noon sa Star Magic?

“Hindi naman sa ganoon. I will always be grateful sa Star Magic. Maayos akong nagpaalam sa kanila. Kaya lang, ang dami kasi namin doon. Parang mahirap na mapansin ka,” aniya.

Halos nasubaybayan namin ang pagdadalaga ni Carla, mula sa pa-tweetum na ka-loveteam ni Janus del Prado, na naging boyfriend niya rin, hanggang naging January cover girl na siya ng FHM this year. Pero mula noon at hanggang ngayon ay hindi pa rin nagbabago si Carla. And we have to say she’s one of the few artists na hindi nagkaka-amnesia.

Lagi naming sinasabi sa aktres na hindi namin makakalimutan ang performance niya noon sa Maalaala Mo Kaya, kung saan gumanap siya na isang pilay.

“Alam n’yo, ‘yung iba ring nakakausap ko, ‘yan din ang sinasabi nila sa akin. Talagang ‘yun daw ang naalala nila sa akin,” nakangiting sabi rin ni Carla.

Ngayong nagpaseksi na siya at tumanggap na ng mature roles, may limi-tasyon pa rin ba siya?

“Hindi naman po ako puwede sa all-out sexy. Saka ayaw rin po naman ni Tita Annabelle nu’n,” pagtatapos niya.

Bore Me
by Erik Borromeo

Friday, June 10, 2011

Carla Humphries on her career: "I hope there's more to come"

Link to original article

Carla Humphries on her career: "I hope there's more to come, pero ngayon ko nararamdaman na nasusulit ako bilang artista."

By Jocelyn Jimenez
Thursday, June 9, 2011

Excited ang buong cast ng ng TV5 primetime series na Mga Nagbabagang Bulaklak dahil simula sa Lunes, June 13, na ang finale week nito.

Isa na rito si Carla Humphries.

Sa panayam ng PEP.ph (Philippine Entertainment Portal) kay Carla sa taping ng Mga Nagbabagang Bulaklak kahapon, June 8, sa Fairview, Quezon City, sinabi nitong masayang-masaya siya at naging bahagi siya ng programang ito.

"Sobrang saya!" bulalas niya.

"Nagbait-baitan [ako], naging dancer, artista, action star, mental patient...

"Tapos may panibagong character na ma-introduce kaya ako nagpaputol [ng buhok].

"Talagang nasulit ako bilang artista, at naengganyo ako sa role ko.

"At sobrang saya kong naging parte ako ng magandang production, na pinagkatiwala ang ganitong role sa akin.

"Sobrang pinagkakatiwalaan nila ako sa mga eksena na nakakaengganyo."

LESSONS LEARNED. Sa kanyang first drama series sa Kapatid network, madami na agad nakatrabahong beteranong artista si Carla.

Kaya naman sinasamantala niya raw ito para makakuha siya ng mga aral kung paano pa niya mapagbubuti ang kanyang pagganap.

"Not everyone makes the most of those kinds of opportunities, makasama mo yung isang veteran na artista.

"So ako, I really try to make it a point na to get pointers," sabi ni Carla.

Isa raw sa madalas magpayo sa kanya ay si Sheryl Cruz, na nagsimula bilang child star sa mga pelikula.

"Nung unang kinausap ako ni Ms. Sheryl, naiiyak ako.

"Kasi nag-uumpisa akong magkontrabida at ang daming nagalit sa akin, as in ang dami!

"Na ako, siyempre ang tao, binibigyan ko ng halaga yung opinion ng ibang tao to a fault.

"So, nung time na yun, kinausap niya ako na, 'You know it means you're being effective, you should be flattered, 'tsaka gawin mo yung best mo.'

"Sabi niya, 'Puwede mo iba-ibahin yung looks mo.'

"She assured me na 'Magaling ka.'

"So, she gave me confidence, and minsan kasi when you're at the middle of doing something, hindi mo alam kung tama o mali.

"She really assured me na 'Okay lang 'yan, it's normal what you're going through, give it your best.'"

Mula sa pagiging isa sa mga inaapi, kalaunan ay isa na sa mga nang-aapi si Carla.

Malaki raw ang naging tulong ng mga payo at papuri na natatanggap niya.

"Siyempre, hindi ko nilalagay sa ulo yun, nilalagay ko sa puso.

"Of course, hindi ako naniniwala na magaling ako.

"Pero siyempre, I want to grow as an artist, as a person.

"Ayaw kong makuntento ako sa nararating ko or nagagawa ko.

"I want to be the best that I can be.

"Parang ganun na, I'm so blessed, at yung narating ng character ko, hindi yun planado, bigla lang nangyari.

"Yung mga ganung bagay na I never thought I'll do, and I never thought I'll be able to do, but they took a chance on me.

"Parang I was able to do it, and I was able to have confidence na, 'A, kaya ko pala 'to.'"

BETTER ACTRESS. Nakapasok si Carla sa showbiz nang madiskubre siya ni Johnny Manahan, ang chairman emeritus ng Star Magic, at inimbitahan na sumali sa talent workshop ng ABS-CBN.

Hanggang noong 2003, naging isa siya sa talents na ini-launch ng Star Circle 11.

Nagsimula sa teeny-bopper roles, ngayong taon ay handa na raw si Carla to play more mature roles.

Sinimulan niya ito nang mag-cover siya sa January issue ng FHM, na kaagad sinundan ng Mga Nagbabagang Bulaklak.

Bagamat naging mabilis ang mga pagbabago, masaya siya sa takbo ng kanyang career sa ngayon.

"Happy ako kasi hindi ako bina-box up ng TV5," sabi ni Carla.

"Kasi yung role ko, isa sa mga challenges niya is—umpisa naging bait-baitan, naging dancer ako, naging maldita, naging kontrabida, naging mental patient, naging action star—na ang daming natahak ng character ko.

"It's a dream project of every actress, kasi makikita mo yung abilidad ng isang artista sa lawak ng pinapagawa sa 'yo ng production."

Bagamat matagal na rin sa showbiz, masasabi raw ni Carla na mas nadagdagan pa ang kanyang experience pagdating sa pag-arte.

"I hope there's more to come, pero ngayon ko nararamdaman na nasusulit ako bilang artista, na kahit papaano naramdaman kong artista ako.

"Kasi, ang dami-daming gusto mag-artista, ang dami-daming pumapasok sa showbiz, ang dami-daming ang bilis ng career, dumarating, nawawala.

"I can say na dito, nagkaroon ng depth, nagkaroon ng paghuhugutan. Yun na nga, naging malawak yung nagawa ng character ko."

Dagdag pa niya, "Suwerte ako nang mabigyan ako ng ganitong role, kasi I feel like nag-grow ako.

"Kasi lahat ng roles ko, na-appreciate ko. When I was in [Channel] 2, na-appreciate ko lahat ng projects ko.

"Hindi naman ako ingrata na sinabi ko, only now I get a good role in my life.

"Pero this year, I'm happy to start na with a station that's growing and nakikipagsabayan ako sa paglago niya."

Ang Mga Nagbabagang Bulaklak daw ang first "risky-sexy" role ni Carla. Kaya naman nasubukan daw talaga ang kakayahan niya bilang aktres.

"Nagbabagang Bulaklak tested my limits," sabi niya.

"At nang tinest nila yung limits ko, I gained the confidence in myself that I never thought I'll be capable of doing before.

"So, nag-grow ako. I feel like I've become a more mature actress.

"So that's how it helped me realize na iba ang character acting, na minsan hindi na-appreciate ng ibang artista.

"Pero ngayon na bukas ang mata ko, na I can't be immature anymore para magpa-girl.

"I cannot be a teeny-bopper, pa-cute, pa-cute.

"I'm blessed na nabigyan ako ng substantial role to break free of that role."

NO LOVELIFE. Naging abala si Carla sa tapings ng kanyang show na nag-run ng halos apat na buwan.

Kaya naman hindi maiwasan tanungin ng ilan kung may oras pa ba siya para sa lovelife.

"Well, sa sobrang blessed ko sa trabaho, may bayad yun—wala 'kong lovelife, wala 'kong social life!" natatawang sagot ng young actress.

"So, hindi ko naiisip [yun] ngayon, "[Pero] dahil sa trabaho ko, I'm excited to wait for that person.

"The right person comes once in a blue moon.

"So I'm not in a rush, so it's been a while since I was in a relationship."

Ang huling naging boyfriend ni Carla ay ang model-actor na si John James Uy, na natapos three years ago.

Ngayong lumipas na ang tatlong taon matapos ang breakup, ano na ang dream guy niya?

"Ako, honestly, I want someone that lives in a different world, from the world that I live in.

"Someone that I can learn from, someone who will expose me to things that are different para mag-grow din ako.

"I'm all about growth and learning, and someone who is loyal, kasi loyal akong tao."

Nang sinabi niyang "different world," ibig ba niyang sabihin ay non- showbiz boyfriend na ang hanap niya?

"Alam mo, pilit kong sinasabi yun, pero parang I only had two boyfriends but they're both from showbiz.

"So, hindi ko pa rin masasabi. Pero sana not from this industry.

"Kasi siyempre, ito na yung mundo ko, I want when I get home or what, that's my escape, parang ganun."

Kaya naman ang mensahe ni Carla sa maaring maging future boyfriend niya: "When I choose to love someone, I only love that person so I really appreciate loyalty and trust, someone that's God- fearing, someone who will bring me closer to God, someone who will make me a better person."

Monday, April 18, 2011

Carla in Preview's StreetStyle

Link to original blogpost

Carla appears in Preview Magazine's April 2011 issue in the Street Style section.



Photo shot by Roy Macam at the Ronac Art Center

Monday, March 21, 2011

Carla in MNB Pilot

Carla as Ivy in 'Mga Nagbababagang Bulaklak'

Carla is Ivy in TV5's primetime series "Mga Nagbabagang Bulaklak" which airs weeknights beginning March 21, 2011 after "Babaeng Hampaslupa".

From the Trailer



From the official cast photos



From PEP

Mga Nagbabagang Bulaklak highlights Carla Humphries' transformation into a serious actress.

"Na-inspire ako sa trabaho," she reveals during the presscon held at Teatrino in Greenhills, San Juan.

"Ang tagal-tagal ko ng wallflower, safe yung answers ko, mabait parati—so hindi ako napapansin. Kailangan lumaban ako in a way. Kailangan kong galingan ang sarili ko."