Bisaya, boto kay Carla para kay Raymond

Abante Tonite, March 6, 2009

Link to original article

KA-PACKAGE DEAL ni Annabelle Rama sa presscon nila ni JC de Vera kahapon sa Max’s Roces ang bago niyang alaga, si Carla Humphries.

“Ang famous girl na kahalikan ni Raymond (Gutierrez) sa TV Patrol nu’ng Tuesday!” ang pakilala ni Tita Annabelle kay Carla.

Nilinaw ni Carla ang isyu tungkol sa halikan nila ni Raymond noong Biyernes nang madaling-araw sa Lago del Rey ng Pili, Camarines Sur.

Kuwento ni Carla, “Sweet talaga kami ni Mon (palayaw ni Raymond). Importante sa akin ang kiss. Importante sa akin si Mon.

“Hindi ako ‘yung tipo ng babae na basta-basta nagpapahalik. Very comfortable kami ni Mon sa isa’t isa.

“At walang problema ro’n. Wala akong boyfriend. Wala siyang girlfriend.

“Hindi kami nagliligawan, but we’re special to each other.”

Itinanggi ni Carla na nag-lips-to-lips sila ni Raymond. “Smack lang sa cheek,” sey ni Carla.

Nilinaw rin ni Carla na hindi sila lasing ni Raymond noong mga sandaling iyon.

“After the welcome dinner, we were having fun,” kuwento ni Carla. “Nagsayawan kami. Malakas ang music. Socializing.

“Raymond and I are very good friends.”

Si Tita Annabelle ay botong-boto kay Carla para kay Raymond.

Sey ni Bisaya, “Si Carla, maganda, galing sa magandang pamilya, matino at magaling mag-English! Hindi basta-basta!”